हमर छत्तीसगढ़ योजना’ म रायपुर घूमें बर आए सहकारिता के प्रतिनिधी मन अउ किसान मन करिन मुख्यमंत्री ले मुलाकात
रायपुर, 14 फरवरी 2017। मुख्यमंत्री डॉ. रमन सिंह हकहिन कि ग्रामीण अर्थव्यवस्था अउ गांव मन के विकास म सहकारिता के महत्वपूर्ण योगदान हावय। हमर छत्तीसगढ़ योजना पूरा प्रदेश ल भावनात्मक रुप ले प्रदेश के राजधानी ले जोड़े के योजना आए। पंचायत प्रतिनिधी मन अउ सहकारिता क्षेत्र के जनप्रतिनिधि मन ल गांव के सर्वांगीण विकास बर प्रोत्साहित करना ए योजना के उद्देश्य हावय। मुख्यमंत्री ह कहिस कि सहकारिता क्षेत्र के महत्व ल देखत ग्राम पंचायत, जनपद पंचायत अउ जिला पंचायत के प्रतिनिधि मन के संग सहकारिता क्षेत्र के प्रतिनिधि मन ल हमर छत्तीसगढ़ योजना ले जोड़े गीसे। सहकारिता क्षेत्र के प्रतिनिधि मन प्रदेश म किसान मन ले लगभग आठ हजार करोड़ रुपए मूल्य के लगभग 65 लाख मीटरिक टन धान के समर्थन मूल्य म खरीदी खातिर सहयोग देवत हावय। ये देश म धान उपार्जन के सबले बड़े व्यवस्था हावय। जेखर सुचारु रुप से संचालन म सहकारिता क्षेत्र के महत्वपूर्ण योगदान हावय। मुख्यमंत्री आज इहां अपन निवास म राजनांदगांव जिला के मानपुर, मोहला, चौकी अउ छुईखदान, कबीरधाम जिला के बोडला विकासखण्ड ले आये सहकारिता क्षेत्र के लगभग 413 प्रतिनिधि अउ किसान मन ल संबोधित करत रहिन। वनमंत्री श्री महेश गागड़ा, लोकसभा सांसद श्री अभिषेक सिंह, विधायक द्वय श्री अशोक सिंह अउ श्री भोजराज नाग, मार्कफेड के अध्यक्ष श्री राधाकृष्ण गुप्ता, राजनांदगांव-कबीरधाम जिला सहकारी केन्द्रीय बैंक के अध्यक्ष श्री सचिन बघेल अउ उपाध्यक्ष श्री शशिकांत द्विवेदी संग बहुत अकन जनप्रतिनिधि ए अवसर म उपस्थित रहिन। मुख्यमंत्री हर अपन निवास म सहकारिता क्षेत्र के प्रतिनिधि मन के आत्मीय स्वागत करिन।
मुख्यमंत्री हर ए अवसर म कहिन कि सुदूर अंचल के बहुत अकन जनप्रतिनिधि मन ल ए कार्यक्रम के माध्यम ले राजधानी रायपुर आए के मौका मिले हे, इहां ओ मन ल नवां-नवां जानकारी मिले हवय। जनप्रतिनिधि दू दिन रायपुर म रहि के इंदिरा गांधी कृषि विश्वविद्यालय, मंत्रालय, विधानसभा, साइंस सेंटर, पुरखौती मुक्तांगन, जंगल सफारी अउ बाटनिकल गार्डन जइसन स्थान मन के भ्रमण करथें। इहां मिले जानकारी जनप्रतिनिधि मन बर काफी उपयोगी होथे। मुख्यमंत्री हर बताइस कि हमर छत्तीसगढ़ योजना म आठ सौ दिन म लगभग दू लाख जनप्रतिनिधि मन ल राजधानी आके विकास कार्य मन ल देखे के मौका मिलही। ए अवसर म लोकसभा सांसद श्री अभिषेक सिंह हर कहिन कि हमर छत्तीसगढ़ योजना के माध्यम ले जनप्रतिनिधि मन के मन म अपन क्षेत्र के विकास बर नवा कल्पनाशीलता के विकास होही।
